شقتنا أشيَك من شمال كارولينا

النيويورك تايمز رشحت 41 مكان للزيارة فى 2011، وكان من بين الأماكن المرشحة
 Durham, NC

   يعنى ولا مؤاخذة فى شمال كارولينا (ده اللى أنا توصلت له بعد البحث، لكن لو حد قالى إن دى كافيتريا "كُل ومتسألش" فى روض الفرج جنبنا هصدقه)، وحطوا الصورة دى

(طبعا الترشيح واضح فى كل حتة!‏)

وجنبها التعليق:‏

Durham, N.C.

A downtown turnaround means food worth a trip.

 

نفسى أورّى الصورة دى لجارتنا اللى جابت الشقة عاليها واطيها علشان فى عريس جاى لبنتها. وأنا استغربت أوى الصراحة:‏

أنا: يا سلام هيعملوا عملية تجميل للشقة علشان عريس جاى؟

أيوة طبعا أمّال يجى يلاقى الحيطان والشقة كدة!‏

أنا: أيوة ينضفوا الشقة..يغيّروا العروسة، مش يغيروا الشقة علشانه!...المفروض يسيبوا كل حاجة زى ما هى..ده حتى الدهان المتقشّر ده دليل على ...على...مش عارف  الحقيقة..بس هو دليل على حاجة!...‏

يالّه وماله؟ أهو الراجل بتاع الدهانات استنفع برده!‏

 

المهم بقى..بعد الصورة دى ماحدش يقولّى نغيّر دهانات حيطان الشقة عندنا، هى كدة حلوة أوى..دى حتى أشيَك من المطعم اللى فى كارولينا ده...هى أشيَك منه فى حاجة...بس مش عارف ايه هى بالظبط الحقيقة!‏